“Чегара билмас шифокорлар” халқаро ноҳукумат ташкилоти Покистонда дорига чидамли сил касаллигининг 75 фоизи аниқланмаганлигини маълум қилди, бу ҳақда Dawn хабар берди.
Покистон аҳолиси дунёда сил касаллигига чалинганлик бўйича бешинчи ўринни эгаллайди. Мамлакатда ҳар йили тахминан 608 000 янги сил касаллиги ва 15 000 дорига чидамли сил касаллиги қайд этилади.
Миллий бош бошқарув бўлимининг (UBB) координатори доктор Розия Фотима ўз мактубида Покистон сил касаллигини назорат қилиш бўйича 2023 йилда мамлакат бўйлаб кенг кўламли ташаббуслар амалга оширилганини айтган.
Докторнинг сўзларига кўра, мазкур ташаббусда мамлакат бўйлаб 8000 дан ортиқ умумий амалиёт шифокорлари, 300 дан ортиқ йирик хусусий шифохоналар ва 400 дан ортиқ хусусий лабораториялар иштирок этган.
Бироқ, “Чегара билмас шифокорлар”(МSF) халқаро ноҳукумат ташкилоти Покистонда дорига чидамли сил касаллигининг 75 фоиздан ортиғи аниқланмаганини даъво қилмоқда.
Мазкур ташкилот тиббий хизмат кўрсатувчи провайдерлар ва амалиётчиларни сил касаллигига шубҳа қилинган ҳолатлар орасида GeneXpert диагностик тестларидан фойдаланиш орқали дорига чидамли сил касаллиги диагностикасини кучайтиришга қаратилган.
Сил билан касалланган беморни даволаш учун тахминан олти ой вақт кетади, аммо бемор даволанишни тўхтаца, сил бактерияси дориларга қаршилик кўрсатади.
PМDT клиникасида биз кўрган беморларнинг кўпчилиги нотўғри ташхис қўйилиб, муваффақиятсиз даволанган. Тўғри даволаш орқали бу беморлар тузалиб кетиш имкониятига эга, аммо улар биринчи навбатда дориларга чидамли сил касаллиги беморлари эканлигини аниқлаш керак, — деди МSF тиббий координатори доктор Муҳаммад Шоаиб.
Изоҳ (0)