Сирдарёда хотинини рашк қилиб, бошқа бир эркакка жиддий тан жароҳати етказган эркак жазоланди. Бу ҳақда “Севимли” телеканалининг “Замон” дастурида хабар қилинди.
Маълум бўлишича, эркак жаҳл устида хотинига SMS ёзганликда гумон қилиб, бошқа эркакнинг бир кўзини кўр қилиб қўйди. Жабрланган эркак мушт зарбидан олган тан жароҳатлари билан вилоят тиббиёт бирлашмасига мурожаат қилган ва бир кўзи операция қилинган.
Жабрланувчи судда жанжалда оғир тан жароҳати олганини, адвокат хизматидан фойдалангани учун 15 миллион 450 минг сўм моддий зарар кўрганини айтган. Маънавий зарар учун эса 200 миллион сўм талаб қилган.
Судга оид тиббий-экспертиза хулосасига кўра, жавобгарнинг жиноий қилмиши натижасида даъвогарнинг меҳнат қобилиятининг 65 фоизини йўқотилишига сабаб бўлган.
Суд ҳукмига кўра, жавобгардан даъвогарга 15 миллион сўм моддий, 60 миллион сўм маънавий зарар ундириш белгиланган.
Изоҳ (0)