Тошкент вилояти Юқори Чирчиқ туманида 12 ёшли қизга SMS хабарлар ёзиб, шаҳвоний шилқимлик қилиб келган 59 ёшли эркак беш суткага қамалди. Бу ҳақда Олий суд “Дарё”га хабар берди.
Аниқланишича, 5 февраль куни 12 ёшли А.У. мактабдан чиқиб, машина тўхтатган. Шунда Н.А. қизни уйига олиб бориб қўйиш давомида телефон рақамини қўлга киритган. У қизга турли SMS хабарномалар ёзиб, шаҳвоний шилқимлик қилган. Қизнинг отаси бундан хабар топиб, ички ишларга мурожаат қилган.
Судда Н.А. айбига иқрорлик билдириб, ёмон нияти бўлмаганини ва қилмишидан пушаймонлигини айтиб, енгиллик сўради. Шилқимлик қилган эркак Маъмурий жавобгарлик тўғрисидаги кодекснинг 41-1 моддаси (шаҳвоний шилқимлик қилиш) 1-қисмида назарда тутилган ҳуқуқбузарликни содир этганликда айбдор деб топилиб, унга нисбатан 5 сутка маъмурий қамоқ жазоси тайинланди.
Изоҳ (0)