Фарғона вилояти Олтиариқ туманида эрини жароҳатлаган аёлга суд ҳукми ўқилди. Бу ҳақда “Миллар” дастурида хабар берилди.
Ҳолат Фарғона вилояти Олтиариқ тумани собиқ коллеж ётоқхонасига жойлаштирилган оилада юз берган. Маълум қилинишича, 2019 йилдан буён шаръий никоҳ асосида бирга яшаб келаётган эркак ва аёл рўзғордаги камчиликлар ва оилавий можаролар сабабли ўзаро тортишиб қолган.
Оқибатда эркак маст ҳолатда аёлни турли сўзлар билан ҳақоратлайди. Жанжал давомида аёл ошхонадан ўткир тиғли жисмни олиб, эрининг чап кўкрак қисмига уриб, унга оғир тан жароҳати етказган. Жабрланувчи хонадондаги бошқа оила аъзолари томонидан зудлик билан шифохонага олиб борилиб, унинг ҳаёти сақлаб қолинган.
Мазкур ҳолат жиноят ишлари бўйича Олтиариқ туман судида кўриб чиқилди. Судда жабрланувчи айбланувчи аёл унинг турмуш ўртоғи экани сабабли унга нисбатан ҳеч қандай даъвоси йўқлигини билдирди. Суд ҳукми билан айбланувчига ойлик иш ҳақининг 20 фоизи давлат даромади ҳисобига ушлаб қолган ҳолда 3 йил муддатга ахлоқ тузатиш ишлари жазоси тайинланди.
Изоҳ (0)