Ўзбекистоннинг Саудия Арабистонидаги элчиси Улуғбек Мақсудов дипломатик миссиясини якунлади. Бу ҳақда “Дунё” агентлиги хабар берди.
Улуғбек Мақсудов мазкур лавозимда 2018 йилнинг май ойидан бери ишлаб келаётганди. Подшоҳлик расмийлари билан бўлиб ўтган хайрлашув учрашувида, сўнгги йилларда Ўзбекистон—Саудия муносабатлари сезиларли даражада фаоллашгани қайд этилган.
Айни пайтда Саудия Арабистонининг Ўзбекистон иқтисодиётига киритган жами сармояси 30 миллиард доллардан ортиқни ташкил этади. 2—3 май кунлари бўлиб ўтадиган 3-Тошкент халқаро инвестиция форумида эса Саудия Арабистони бизнесининг фаол иштироки кутилмоқда.
Таъкидлаш керакки, Улуғбек Мақсудов бош қароргоҳи Жидда шаҳрида жойлашган Ислом ҳамкорлик ташкилотидаги Ўзбекистоннинг доимий вакили ҳам эди.
Аввалроқ Ўзбекистон элчиси Фариддин Насриев Эрон президентига ишонч ёрлиқларини топширгани, Жазоирнинг Ўзбекистондаги янги элчиси тайинлангани, Ўзбекистоннинг Дубайдаги бош консули миссиясини якунлагани тўғрисида хабар берилганди.
Изоҳ (0)