Кореянинг Ўзбекистондаги элчиси ўз миссиясини якунлагани маълум қилинди.
Ташқи ишлар вазирига кўра, Кореянинг мамлакатдаги дипломатик миссиясини якунлаётган элчиси Ким Хи-Санг билан учрашув ўтказилган.
“Ташқи ишлар вазирлиги номидан элчига мамлакатимизда бўлган даврида алоҳида стратегик шерикликни бойитишга қаратилган фидокорона хизмати учун ўз миннатдорлигимизни билдирамиз. Дипломатнинг келгуси фаолиятида муваффақиятлар тилаб қоламиз”, — дейди Бахтиёр Саидов.
Шунингдек, Австриянинг Ўзбекистондаги янги элчиси тайинлангани ҳам маълум қилинди. Матиас Радостич Австриянинг Ўзбекистондаги янги элчиси этиб тайинланган. Ташқи ишлар вазири янги элчидан ишонч ёрлиқларини қабул қилди.
Аввалроқ Ўзбекистон элчиси Фариддин Насриев Эрон президентига ишонч ёрлиқларини топширгани, Жазоирнинг Ўзбекистондаги янги элчиси тайинлангани, Ўзбекистоннинг Дубайдаги бош консули миссиясини якунлагани тўғрисида хабар берилганди.
Тизимга киринг ёки Рўйхатдан ўтинг.
ёки Э-Почта орқали
Рўйхатдан ўтганмисиз? Login.
ёки Э-Почта орқали
Раҳмат. Биз сизнинг хабарингизни олдик ва хатони имкон қадар тезроқ тузатамиз.
Изоҳ (0)