“Манчестер Сити” ҳужумчиси Эрлинг Ҳоланд замонавий футболдаги асосий муаммони айтди. Унинг фикрича, ўйинларнинг кўплиги унинг сифатига салбий таъсир қилади.
“Муаммо ўйинларни ўтказишда эмас, балки уларнинг сифатида. Сифат пасаймоқда. Мен 70 та ўйиннинг ҳар бирида бир километрга спринт югуришни амалга оширишим қийин. Бунақа пайтда нима ҳам қила олардим? Мен фақат ўйинлар тақвимига қараб ўйнашим мумкин. Бундай ўйинлар сони, албатта, бизнес билан боғлиқ жараён”, — дея Ҳоланднинг сўзларини келтиради VG.
Жорий мавсумда Ҳоланд “Манчестер Сити” сафида барча мусобақаларни қўшиб ҳисоблаганда 34 та ўйин ўтказиб, 29 та гол ва 6 та голли узатмани амалга оширди. Футболчининг амалдаги клуби билан шартномаси 2027 йилнинг июнь ойи охиригача амал қилади.
Transfermarkt интернет порталига кўра футболчининг тахминий трансфер баҳоси 180 миллион еврони ташкил қилади.
Изоҳ (0)