Россия ҳарбийлари ,Украинага француз контингенти келган тақдирда, барча француз аскарларини қириб ташлайди. Бу ҳақда Давлат думаси спикери ўринбосари Пётр Толстой “ТАСС” нашрига маълум қилди.
“Бизнинг бу борада билдиришимиз мумкин бўлган фикр битта: Украина ҳудудига келадиган барча француз аскарларини ўлдирамиз. Ҳаммасини!”, — деган Давлат думаси расмийси.
Пётр Толстой маълум қилишича, ҳозирга қадар Украинага жанг қилиш учун келган 367 нафар француз ёлланма аскаридан 147 нафари йўқ қилинган. Шунингдек, Европанинг бошқа қисмларидан келган ёлланма аскарларнинг ҳам кўпчилиги қириб ташланган.
Бундан ташқари, Толстой Россия Франция президенти Эммануэл Макроннинг баёнотлари ва унинг Киевга ёрдам кўрсатишда “қизил чизиқлар”ни истисно қилиш ҳақидаги сўзларига парво қилмаслигини таъкидлаган.
19 март куни Россия Ташқи разведка хизмати директори Сергей Наришкин Франция Украинага жўнатиладиган ҳарбий контингентни ҳозирданоқ тайёрлаётганини, бу қисм дастлаб 2000 га яқин аскарни ўз ичига олишини маълум қилган эди.
Изоҳ (0)