Бразилияда аёл 56 йил давомида ўлик чақалоқни қорнида олиб юргани аниқланди. Бу ҳақда The Sun хабар берди.
Даниэла Алмейда Вера исмли 81 ёшли бразилиялик аёл ошқозон оғриғи шикояти билан шифокорга борган. Шифокорлар кўрикдан олдин аёлда саратон борлигини гумон қилган. Текширув давомида беморнинг қорин бўшлиғида “тош чақалоқ” аниқланган. Бу литопедион деб аталадиган ноёб табиий феномен ҳисобланади.
Ҳомила эктопик ҳомиладорликдан (бачадондан ташқари ҳомиладорлик) кейин вафот этган, ўшанда аёл шифокорларга бормаган. Ҳомила ўлимидан кейин тўқималарда тузларнинг, асосан, калцийнинг чўкиши бошланган.
“Тош бола”ни жарроҳлар олиб ташлашга мажбур бўлган, аёл кам учрайдиган операцияни бошдан кечирган ва эртаси куни реанимацияда вафот этган. Марҳуманинг етти нафар фарзанди бўлган.
Изоҳ (0)