Тошкент вилоятида ўз уйида даромад топишни бошлаганлар сони маълум бўлди 

Тошкент вилоятида ўзини ўзи банд қилганлар сони 185 минг нафарга етди. Бу ҳақда вилоят Солиқ бошқармаси ахборот хизмати хабар берди. 

Унга кўра, 1 март ҳолатига ўз уйида даромад топишни бошлаган фуқароларнинг сони 185 007 нафарга етди. Ушбу фуқароларнинг 28 360 нафари 2024 йилнинг январь—февраль ойлари давомида рўйхатдан ўтганларни ташкил этади. Ҳудудлар кесимида энг юқори натижаларни 

• Янгийўл тумани – 13 683 нафар,
• Зангиота тумани – 17 097 нафар,
• Тошкент тумани – 12 487 нафар,
• Паркент тумани – 10 563 қайд этган.

Шунингдек, йўналишлар кесимида:

• Ижтимоий йўналишлар бўйича хизматлар – 2343 та,
• Саноат йўналиши бўйича хизматлар – 2055 та,
• Қишлоқ хўжалиги йўналиши бўйича хизматлар – 3636 та,
• Ахборот коммуникация йўналиши бўйича хизматлар – 949 та,
• Маиший хизматлар – 16973 та,
• Халқ истеъмоли моллари ишлаб чиқариш ва хизматлар кўрсатиш – 2404 тани ташкил этади.