Toshkent viloyatida o‘z uyida daromad topishni boshlaganlar soni ma’lum bo‘ldi

Toshkent viloyatida o‘zini o‘zi band qilganlar soni 185 ming nafarga yetdi. Bu haqda viloyat Soliq boshqarmasi axborot xizmati xabar berdi. 

Unga ko‘ra, 1-mart holatiga o‘z uyida daromad topishni boshlagan fuqarolarning soni 185 007 nafarga yetdi. Ushbu fuqarolarning 28 360 nafari 2024-yilning yanvar—fevral oylari davomida ro‘yxatdan o‘tganlarni tashkil etadi. Hududlar kesimida eng yuqori natijalarni 

• Yangiyo‘l tumani – 13 683 nafar,
• Zangiota tumani – 17 097 nafar,
• Toshkent tumani – 12 487 nafar,
• Parkent tumani – 10 563 qayd etgan.

Shuningdek, yo‘nalishlar kesimida:

• Ijtimoiy yo‘nalishlar bo‘yicha xizmatlar – 2343 ta,
• Sanoat yo‘nalishi bo‘yicha xizmatlar – 2055 ta,
• Qishloq xo‘jaligi yo‘nalishi bo‘yicha xizmatlar – 3636 ta,
• Axborot kommunikatsiya yo‘nalishi bo‘yicha xizmatlar – 949 ta,
• Maishiy xizmatlar – 16973 ta,
• Xalq iste’moli mollari ishlab chiqarish va xizmatlar ko‘rsatish – 2404 tani tashkil etadi.