Тошкентда уй-жой ижараси нархи тушиши давом этмоқда

Макроиқтисодий ва ҳудудий тадқиқотлар институти мутахассислари 2024 йилнинг февраль ойида Тошкент шаҳрида таклиф этилган уй-жой ижара нархларини таҳлил қилди.

Унга кўра, 2024 йил февраль ойида пойтахтда ўртача таъмирланган туркумдаги хонадонлар ижара нархларида январь ойига нисбатан ўртача 0,34 фоизга, тўлиқ таъмирланган туркумдаги уй-жойлар ижара нархида эса ўртача 0,13 фоизга тушиш кузатилди.

Ўртача таъмирланган уй-жой ижараси

2024 йил февраль ойида ушбу синфдаги 1 хонали хонадонлар учун таклиф этилган ижара нархлари ўтган январь ойига нисбатан ўртача 0,3 фоиз га пасайиб, 394 долларни ташкил этган бўлса, 2 хонали хонадонлар ижара нархлари эса 0,2 фоизга арзонлаб, ўртача  441 долларгача тушган. Ўртача таъмирланган 3 ва 4 хонали уйлар ижара нархлари 0,4 фоиз га пасайиб, мос равишда  514 ва 594 долларни ташкил этди.

Ўртача таъмирланган туркумдаги уйлар учун нисбатан арзон ижара нархлари икки туманда таклиф этилган:

• Сергели (1 хонали — 358 доллар, 2 хонали —  393 доллар, 3 хонали —  435 доллар, 4 хонали — 450 доллар);
• Олмазор (1 хонали — 357 доллар, 2 хонали —  415, доллар 3 хонали —  455 доллар, 4 хонали —  490 доллар).

Ушбу туркумдаги энг қиммат ижара нархлари қуйидаги туманларда кузатилди: 

• Яккасарой (1 хонали — 420 доллар, 2 хонали —  488 доллар, 3 хонали —  657 доллар, 4 хонали —  738 доллар);
• Миробод (1 хонали — 467 доллар, 2 хонали —  520 доллар, 3 хонали —  620 доллар, 4 хонали —  832 доллар).

Тўлиқ таъмирланган уйлар ижара нархлари. Февраль ойида тўлиқ таъмирланган 1 хонали уйлар учун ўртача ижара нархлари 475 долларни ташкил этиб, ўтган январь ойига нисбатан 0,3 фоизга тушган бўлса, 2 хонали уйлар учун ушбу кўрсаткичлар мос равишда  доллар 651 ва 0,6 фоизни ташкил этган. 3 хонали уйлар учун таклиф этилган ўртача ижара нархларида (790 доллар) ҳам бир оз (0,1фоиз) тушиш кузатилди. Лекин, тўлиқ таъмирланган 4 хонали уйлар ўртача ижара нархлари 0,4 фоиз ошиб, 919 долларгача кўтарилган.

Тўлиқ таъмирланган туркумдаги уйлар учун энг арзон ижара нархлари икки туманда кузатилди:

• Сергели (1 хонали — доллар 393, 2 хонали —  доллар 462, 3 хонали —  доллар 560, 4 хонали —  доллар 761);
• Учтепа (1 хонали — доллар 401, 2 хонали —  доллар 498, 3 хонали —  доллар 617, 4 хонали —  доллар 850).

Ушбу туркумдаги энг қиммат ижара нархлари Шайхонтоҳур (1 хонали —  555 доллар, 2 хонали —  848 доллар, 3 хонали —  1057 доллар, 4 хонали —  1028 доллар) ва Миробод (1 хонали —  570 доллар, 2 хонали —  861 доллар, 3 хонали —  1024 доллар, 4 хонали —  1128 доллар) туманларида кузатилган.