Makroiqtisodiy va hududiy tadqiqotlar instituti mutaxassislari 2024-yilning fevral oyida Toshkent shahrida taklif etilgan uy-joy ijara narxlarini tahlil qildi.
Unga ko‘ra, 2024-yil fevral oyida poytaxtda o‘rtacha taʼmirlangan turkumdagi xonadonlar ijara narxlarida yanvar oyiga nisbatan o‘rtacha 0,34 foizga, to‘liq taʼmirlangan turkumdagi uy-joylar ijara narxida esa o‘rtacha 0,13 foizga tushish kuzatildi.
O‘rtacha taʼmirlangan uy-joy ijarasi
2024-yil fevral oyida ushbu sinfdagi 1 xonali xonadonlar uchun taklif etilgan ijara narxlari o‘tgan yanvar oyiga nisbatan o‘rtacha 0,3 foiz ga pasayib, 394 dollarni tashkil etgan bo‘lsa, 2 xonali xonadonlar ijara narxlari esa 0,2 foizga arzonlab, o‘rtacha 441 dollargacha tushgan. O‘rtacha taʼmirlangan 3 va 4 xonali uylar ijara narxlari 0,4 foiz ga pasayib, mos ravishda 514 va 594 dollarni tashkil etdi.
O‘rtacha taʼmirlangan turkumdagi uylar uchun nisbatan arzon ijara narxlari ikki tumanda taklif etilgan:
- Sergeli (1 xonali — 358 dollar, 2 xonali — 393 dollar, 3 xonali — 435 dollar, 4 xonali — 450 dollar);
- Olmazor (1 xonali — 357 dollar, 2 xonali — 415, dollar 3 xonali — 455 dollar, 4 xonali — 490 dollar).
Ushbu turkumdagi eng qimmat ijara narxlari quyidagi tumanlarda kuzatildi:
- Yakkasaroy (1 xonali — 420 dollar, 2 xonali — 488 dollar, 3 xonali — 657 dollar, 4 xonali — 738 dollar);
- Mirobod (1 xonali — 467 dollar, 2 xonali — 520 dollar, 3 xonali — 620 dollar, 4 xonali — 832 dollar).
To‘liq taʼmirlangan uylar ijara narxlari. Fevral oyida to‘liq taʼmirlangan 1 xonali uylar uchun o‘rtacha ijara narxlari 475 dollarni tashkil etib, o‘tgan yanvar oyiga nisbatan 0,3 foizga tushgan bo‘lsa, 2 xonali uylar uchun ushbu ko‘rsatkichlar mos ravishda dollar 651 va 0,6 foizni tashkil etgan. 3 xonali uylar uchun taklif etilgan o‘rtacha ijara narxlarida (790 dollar) ham biroz (0,1foiz) tushish kuzatildi. Lekin, to‘liq taʼmirlangan 4 xonali uylar o‘rtacha ijara narxlari 0,4 foiz oshib, 919 dollargacha ko‘tarilgan.
To‘liq taʼmirlangan turkumdagi uylar uchun eng arzon ijara narxlari ikki tumanda kuzatildi:
- Sergeli (1 xonali — dollar 393, 2 xonali — dollar 462, 3 xonali — dollar 560, 4 xonali — dollar 761);
- Uchtepa (1 xonali — dollar 401, 2 xonali — dollar 498, 3 xonali — dollar 617, 4 xonali — dollar 850).
Ushbu turkumdagi eng qimmat ijara narxlari Shayxontohur (1 xonali — 555 dollar, 2 xonali — 848 dollar, 3 xonali — 1057 dollar, 4 xonali — 1028 dollar) va Mirobod (1 xonali — 570 dollar, 2 xonali — 861 dollar, 3 xonali — 1024 dollar, 4 xonali — 1128 dollar) tumanlarida kuzatilgan.
Izoh (0)