Руминияда Европадаги энг катта НАТО базаси қурилиши бошланди, у 10 минг нафаргача ҳарбий хизматчи ва уларнинг оилаларини сиғдира олади. Бу ҳақда Euronews хабар берди.
Таъкидланишича, ҳарбий объект 2800 гектар майдонда қурилади, умумий периметри 30 километрни ташкил қилади. Базада 10 000 нафаргача НАТО аскарлари ва уларнинг оилалари доимий равишда жойлашиши мумкин. База қуришнинг дастлабки қиймати 2,5 миллиард еврога баҳоланмоқда.
Констанса округидаги база учиш-қўниш йўлаклари, самолёт ангарлари, қурол-яроғ, ёнилғи-мойлаш материалларини сақлаш ва жойлаштириш учун объектлар, ўқув жиҳозлари, мактаблар, болалар боғчалари, дўконлар ва шифохона билан жиҳозланади.
2023 йилнинг 14 сентябрида Болгария 2025 йилгача 55 миллион долларлик НАТО базасини қуришни режалаштираётгани маълум бўлган эди.
Изоҳ (0)