Саудия Арабистони фуқароси Абдулла Ал Қаҳтоний 17 март куни парашютдан сакраб, ҳавода ифторлик қилди. Бу ҳақда Gulf News нашри хабар берди.
Хабарда айтилишича, экстремал спорт вакили ифторлик қилиш анъанасини том маънода янги чўққига олиб чиқишни хоҳлаган. Бу қизиқиш эса ҳавода муаллақ ҳолда ифторлик қилишга ундади.
Ал Қаҳтоний Саудия Арабистони жанубидаги баланд тоғлардан парашютда сакраган ва мақсадини амалга оширган. Шу билан бир пайтда, Қаҳтоний ўз ҳаракатларини жонли эфир орқали мухлисларига улашиб турган. Саудия фуқаросининг амалга оширган иши ижтимоий тармоқларнинг араб сегментида тезда машҳурликка эришган.
Тарқалган видеода саргузашт ихлосманди очиқ осмон фонида анъанавий ифторлик таомлари бўлган қаймоқ ва хурмодан истеъмол қилаётганини кўриш мумкин.
“Менинг бугунги ифторлигим шу ерда бўлди. Парашют плиталарини мувозанатда ушлаб туриш осон бўлмади, лекин хайриятки, мен буни уддаладим. Бугунги ифторлик барчасидан ўзгача”, — деган Саудия Арабистони фуқароси Абдулла Ал Қаҳтоний.
Изоҳ (0)