Наманганда истеъмолчилар учун ичимлик суви нархлари оширилди. Бу ҳақда халқ депутатлари вилоят кенгашининг тегишли қарори қабул қилинган, дея хабар беради “Дарё” мухбири Азизбек Абдувалиев.
Фото: Тоирбек Комилжонов
Қарор иловасида вилоятда аҳолининг ичимлик суви билан таъминланганлик даражаси йил давомида 79,6 фоиздан 82,7 фоизга етгани, 330 мингга яқин киши илк бор ичимлик суви билан таъминланган, 2024 йилда 160 миллиард сўм эвазига 320 километр тармоқ тортиш ҳамда 11 та иншоот қуриш ва реконструкция қилиш режалаштирилгани қайд этилган.
Фото: Тоирбек Комилжонов
Ушбу қарор билан ичимлик суви нархи аҳоли учун бир кубометри 3500 сўм, корхона ва ташкилотлар учун эса 7 минг сўм этиб тасдиқланган.
Ҳозиргача вилоятда ичимлик суви учун аҳоли 2550 сўм, корхона-ташкилотлар эса 3315 сўм тўлаб келаётган эди.
Нарх қимматлашуви ёқилғи-энергетика ресурслари, жумладан, электр энергияси тарифлари ошиши ҳамда вилоятда ичимлик суви етказиб беришнинг катта харажатлар талаб этувчи жиҳатлари билан изоҳланган.
Янги тарифлар 2024 йил 22 мартдан кучга кириши белгиланган.
Изоҳ (0)