Навоийда икки кишидан қарзи бўлган фуқаронинг Tracker’и хатланди

Навоий вилояти Қизилтепа туманида икки кишидан қарзи бўлган фуқаронинг Tracker’и хатланди. Бу ҳақда МИБ ахборот хизмати “Дарё”га хабар берди. 

Келтирилишича, бюронинг Қизилтепа туман бўлими иш юритувида қарздор А.П.га нисбатан қўлланилган 15 та маъмурий қарорлар ҳамда икки нафар фуқаро фойдасига жами 81,8 миллион сўм қарздорликни ундириш тўғрисидаги ижро ҳужжатлари юзасидан қарздорга тегишли Tracker русумли автотранспорт воситаси хатланиб, жарима майдончасига жойлаштирилган.

Бундан ташқари, қарздор А.У.га нисбатан Йўл ҳаракати хавфсизлиги бошқармаси томонидан қўлланилган 14 та маъмурий баённомаларга асосан жами 6 миллион 800 минг сўм жарима ундириш тўғрисидаги ижро ҳужжатлари юзасидан олиб борилган ижро ҳаракатлари давомида қарздорлик тўлиқ ундирилиши таъминланган.

Бу борада тизимли ишлар давом эттирилмоқда.