Тошкент шаҳрининг Шайхонтоҳур туманида МИБ алимент тўламаётган фуқародан фарзандига 106,7 млн сўм ундириб берди. Бу ҳақда Бош прокуратура матбуот хизмати хабар берди.
Маълум қилинишича, Тошкент шаҳрида 2024 йилнинг январь-февраль ойларида жисмоний ва юридик шахслардан жами 3 832 та мурожаат келиб тушган. Шундан 3 254 таси кўриб чиқилиб, 1 015 та мурожаат қаноатлантирилган, 2 239 та мурожаатга ҳуқуқий тушунтириш берилган.
Мурожаатларни кўриб чиқиш мобайнида 914 та ҳолатда жисмоний ва юридик шахсларнинг бузилган ҳуқуқлари тикланган.
Фуқаро Ч.Юнусова бир нафар фарзандига алимент ундириб берилмаётганидан норози бўлиб қилган мурожаати бюронинг Шайхонтоҳур туман бўлимида ўрганилди. Олиб борилган мажбурий ижро ҳаракатлари натижасида мурожаатчига қарздордан 106,7 млн сўм ундириб берилди.
Изоҳ (0)