Америкалик актёр Мэттью Перри вафотидан сўнг ота-онаси Сюзан ва Жон Перри томонидан бошқариладиган Alvy Singer Living Trust’га 1 миллион доллардан ортиқ маблағ ўтказди. Бу ҳақда “Парвила жизни” нашри хабар берди.
Мэттью Перри васиятномасини “Энни Холл” (1977) комедиясидаги Вуди Аллен қаҳрамони шарафига номлаган ва ҳужжат 2009 йилда тузилган. 2022 йилда чоп этилган мемуарларда актёр мазкур фильмни онаси билан томоша қилган вақтларни “болаликдаги энг севимли хотирам” деб атаган.
Марҳум актёр мулкининг асосий қисми ота-онасига ўтди. Шунингдек, меросдан фойдаланиш ҳуқуқи унинг ўгай синглиси Кейтлин Моррисон ва 2003—2005 йилларда Мэттью билан яқин муносабатда бўлган Рэйчел Даннга берилди.
Васиятномада Перрининг келажакда туғилиши мумкин бўлган фарзандлари унинг мулкига эга бўлиш ҳуқуқидан маҳрум дея кўрсатилган. Васиятнома ёзилганидан 13 йил ўтиб ҳам актёр ота бўлмади.
2023 йил 28 октябрь куни актёрнинг жасади унинг уйидаги ҳаммомдан топилган. Йиллар давомида у бир неча бор гиёҳвандлик ва алкоголизмдан даволаниб келган, аммо воқеа жойида ҳеч қандай дори топилмаган. Дастлабки тестларда ҳам Перри организмида ҳеч қандай зарарли модда аниқланмаган ва унинг ўлими сабаби ҳозирча номаълум.
Изоҳ (0)