Инстаблогер Марьям Тиллаева айни пайтда Тошкентдан Америкага учиб кетди ҳамда кузатувчиларидан бу сафаридан қандай мақсадни кўзлагани ҳақида сўзлаб берди.
— Америка Қўшма Штатларига сизнинг пулингизни маза қилиб ишлатишга келдим, деб ўйлаяпсизми? Йўқ! Гап шундаки, ота-онам, ҳаммангиз кўрганингиздек Беверли Ҳиллсдаги мен ўсиб-улғайган қасрни 36 миллион долларга сотди. Сўнгги ойда барча ОАВ бу ҳақда ёзди. Шуни айтишим керакки, мен бу пуллардан ҳеч вақо олганим йўқ. Менинг бунга қандайдир алоқам борлигини айтиб, айблашингиздан олдин тушунишингизни истардим: Мен у уйда яшаган пайтим бола эдим. Ҳаётдаги позициямни таҳлил қиладиган ёшда эмасдим. Ота-онамнинг ҳаракатлари учун масъулиятни бўйнимга олмаганман.
Мен шундай нуфузли оилада туғилганимдан албатта миннатдорман, лекин бошқа оилада туғилишим ҳам мумкин эди-ку? Келинг энди, ўша қасрга қайтамиз. Улар уйни сотишди. Мен бу ҳақда ота-онамнинг ёрдамчисидан, кейин эса ОАВдан хабар топдим. Мен улғайган уйни бузишлари бир оз кайфиятимни туширмоқда. Энди менда уйим деб атайдиган жой йўқ. Мен барча ҳужжатларимни бошқа манзилга йўналтиришим, ҳамма нарсаларимни сақлаш учун жой топишим керак бўлади. Шундай экан мен Лос-Анжелесга ўйнаб кулгани эмас, балки мана шу қийин ишларни қилиш учун келдим, — деб ёзади Марьям Тиллаева.
Маълумот учун, аввалроқ Лола Тиллаева ва унинг турмуш ўртоғига алоқадор компания Беверли Ҳиллсдаги қасрни 36 миллион долларга сотгани ҳақида хабар берилган эди.
Изоҳ (0)