“Эмми” телевизион мукофотининг 75-тақдирлаш маросимида Мэттью Перри хотирасига бағишлаб, “Дўстлар” сериалидаги I’ll be there for you қўшиғи ижро этилди. Видео The Hollywood Reporter томонидан Х (собиқ Twitter) тармоғига жойлаштирилди.
Композицияни қўшиқчи Чарли Пут ҳамда The War and Treaty дуэти ижро этди ва экранда 2022—2023 йилларда вафот этган таниқли артистларнинг фотосуратлари намойиш этилди. Маросимда Кёрсти Элли, Андре Брауэр, Пол Рубенс, Анжела Ленсбери ва бошқаларга ҳурмат бажо келтирилди.
Charlie Puth performs the theme song from #Friends during the in memoriam segment at the 75th #Emmys pic.twitter.com/YbfNUZOHYj
— The Hollywood Reporter (@THR) January 16, 2024
2023 йилги “Эмми” маросими сентябрь ойида бўлиб ўтиши керак эди, лекин Голливуддаги иш ташлашлар туфайли қолдирилганди. Мукофотлар 2022 йил 1 июндан 2023 йил 31 майгача эфирга узатилган лойиҳаларга топширилди. ғолибликни “Меросхўрлар”, “Айиқ” ва “Сўнгги инсон” сериаллари қўлга киритди. Лауреатларнинг тўлиқ рўйхати билан танишинг.
Изоҳ (0)