АҚШ минтақада Россия ва Хитойга қарши туриш учун Арктикадаги ҳарбий салоҳиятини тиклашга ҳаракат қилмоқда, деб хабар берди Business Insider.
Қўшма Штатлар Арктикада 20 йилдан олдин ‘‘атрофияга учраган мушакларни’’ тиклашга умид қилмоқда. Бу ҳаракат Арктикага чиқишни кенгайтириш истагида бўлган Россия ва Хитойнинг фаоллигидан хавотирлар кучайиб бораётганини акс эттиради, — деб ёзади нашр.
Нашрга кўра, Қўшма Штатлар совуқ иқлим шароитида жанг қилишга қодир кучларни яратиш учун ресурсларни қайта сармоя қилишни бошлаган.
Аввалроқ Американинг 11-ҳаво-десант дивизиясининг саккиз минг аскари Аляскада АҚШнинг халқаро иттифоқчилари ва ҳамкорлари иштирокида икки ҳафталик машғулотлар ўтказган.
NBC News Strider Intelligence ахборот-таҳлил фирмаси асосчиларидан бири Эрик Левескега таяниб, Россия, эҳтимол, Арктика ўзлаштирилиши бўйича Қўшма Штатлардан ўн йил ёки ундан кўпроқ олдинда эканини айтган эди.
Изоҳ (0)