Сурхондарё вилояти Шеробод туманида электр тармоқларига ноқонуний уланиш ҳолати фош этилди, деб хабар беради Бош прокуратура ҳузуридаги департамент.
Қайд этилишича, департаментнинг Шеробод туман бўлими томонидан терговга қадар текширув ўтказилган. Текширувда “Б.Т.” МЧЖ масъул шахслари МЧЖ музлаткич омборхонасида умумий фойдаланишдаги электр тармоғига тижорат мақсадида уланиб, жами 269,4 миллион сўмлик электр энергиясидан ноқонуний фойдаланганликлари аниқланган.
Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.
Аввалроқ “Ўзэнергоинспекция” Ўзбекистонда 2024 йилнинг ўтган даврида табиий газ ва электр энергиясидан ноқонуний фойдаланилиши натижасида давлат манфаатларига жами 215 миллиард 648 миллион сўм зарар етказилгани тўғрисида хабар берганди.
Изоҳ (0)