Ўзбекистон ташқи ишлар вазири Бахтиёр Саидов 14 март куни Австриянинг Ўзбекистондаги элчиси этиб тайинланган Матиас Радостични қабул қилди. Бу ҳақда вазир ўзининг Telegram’даги каналига ёзиб қолдирди.
“Матиас Радостич жанобларидан ишонч ёрлиқларини қабул қилишдан мамнунмиз. Икки ва кўп томонлама муносабатларимиз, айниқса, иқтисодий йўналишдаги ҳамкорлигимиз кун тартиби кўлами жуда кенг. Жаноб элчига мамлакатимиздаги фаолияти давомида фойдаланилмаган имкониятларни кашф этишда муваффақиятлар тилаймиз”, — деб ёзади Бахтиёр Саидов.
2023 йилнинг октябрида Бахтиёр Ибрагимов Ўзбекистоннинг Австриядаги элчиси этиб тайинланганди. Ноябрь охирларида эса у Австрия президенти Александр Ван дер Белленга ишонч ёрлиқларини топширган эди.
Изоҳ (0)