12 март куни Дания Мудофаа вазирлиги Украинага 2,3 миллиард крон (336 миллион доллар) миқдорида янги ҳарбий ёрдам пакети ажратилганини маълум қилган. Бу ҳақда Тhе Kyiv Independent нашри маълум қилган.
Хабарда айтилишича, ушбу пакет Даниянинг Украинага етказиб берган 16-ҳарбий ёрдам пакетидир. Дания бундан олдин охирги марта 2024 йил февралида тахминан 247 миллион долларлик ҳарбий ёрдам пакетини тақдим этган эди.
Дания ажратган сўнгги пакет “Сезар” ўзиюрар артиллерия тизимлари, 120 ммли автоном бошқарувли миномётлар ва тегишли ўқ-дориларни ўз ичига олади. Маблағларнинг бир қисми Украина учун снарядлар сотиб олишга сарфланади.
“16-ёрдам пакети ажратиш билан биз узоқ вақт давомида Украина билан бирга эканлигимизни яна бир бор таъкидлаган бўламиз. Украинларнинг озодлик учун кураши Европанинг курашидир. Шундан бир пайтда биз украиналикларни ўз ҳолича ташлаб қўя олмаймиз”, — деган Дания ташқи ишлар вазири Ларс Локке Расмуссен вазиятга муносабат билдириб.
Изоҳ (0)