Фарғонада Damas ҳайдовчиси ЙПХ ходимининг рациясини олиб, қочиб кетди (видео) 

Фарғона шаҳрида Damas ҳайдовчиси ЙПХ ходимининг рациясини олиб, қочиб кетди. Вилоят ИИБ ҳолат юзасидан маълумот берди. 

Унга кўра, мазкур видеотасвир ва ундаги ҳолатлар Фарғона вилоят ИИБ томонидан тўлиқ назоратга олинди. Жамоат жойида ҳақоратли сўзлар билан сўкиниб, жамоат тартибини ва фуқароларнинг осойишталигини бузган, ички ишлар органлари ходимининг қонуний талабларини бажармаган ҳамда ИИО ходимига тегишли махсус воситани олиб, кетиб юборган фуқаро М.Ш. аниқланиб, ушланди. 

Мазкур ҳолат юзасидан терговга қадар текширув ҳаракатлари олиб борилмоқда. Якунига кўра, қонуний қарор қабул қилинади.

“Damasъда қатнайман. Ходим келди, ҳужжатларимни кўрсатдим. Инспектор нотўғри парковка қилинганини айтди. Жарима қимматлигидан жаҳлим чиқиб сўкиндим ва рациясини олиб кетдим. Қилган ишимдан пушаймонман. Бошқа такрорланмайди. Ходимлар ва фуқаролардан ҳаракатларим учун кечирим сўрайман”, — дейди ҳайдовчи