12 март куни Ғазо ҳудудидан 47 нафар Украина фуқароси шошилинч эвакуация қилинди. Фуқаролар дастлаб Молдовага олиб келинган. Бу ҳақда Украина ҳарбий разведка бошқармаси тарқатган маълумотга асосланиб, Тhе Kyiv Independent нашри хабар берди.
Хабарда айтилишича, Ғазодан хорижликларни эвакуация қилиш 1 ноябрь куни Миср Рафаҳ назорат-ўтказиш пунктини очгандан сўнг бошланган. Ғазода бўлган украиналикларнинг биринчи гуруҳи 7 ноябрда сектордан чиқишга рухсат олган. Биринчи эвакуация операциясида Ғазодан жами 363 нафар Украина фуқароси эвакуация қилингани хабар берилган.
47 нафар фуқаро эвакуация қилинган сўнгги операция Украина мудофаа вазирлиги ҳамда Украинанинг Исроил ва Мисрдаги элчихоналари дипломатик ходимлари томонидан амалга оширилган. Фуқаролар Ғазодан олиб чиқилгач, дастлаб бир қанча пайт Мисрдаги меҳмонхонага жойлаштирилган. Сўнгра самолётда Молдовага кўчирилган. Ҳозирда фуқаролар автобусда Одесса ҳудудига олиб кетилаётгани маълум қилинган.
Изоҳ (0)