Ma’lum bo‘lishicha, ko‘plab mashhurlar bir necha yillardan so‘ng ba’zi filmlarda suratga tushganidan afsuslanishgan, hatto ular dunyodagi eng yuqori daromad keltiruvchi filmlardan biriga aylangan bo‘lsa ham.
Kristen Styuart — “Charli farishtalari”
Aktrisa “Charli farishtalari” filmidagi rolini yoqtirmasligini bir necha bor tan olgan. Dastlab ushbu filmni suratga olishda ishtirok etish g‘oyasi Kristenga jozibali tuyuladi, ammo keyinchalik u bu tanlovidan afsuslanadi.
Yulduzga nima uchun bu roli yoqmagani ma’lum emas, lekin 2000-yilda suratga olingan “Charli farishtalari” filmi unga ko‘proq yoqishini aytadi.
Jorj Kluni — “Betmen va Robin”
Dunyoga mashhur Jorj Kluni “Betmen va Robin” filmidagi rolini haligacha afsus bilan eslaydi. Lekin bu yerda gap rejissyorda emas, balki aktyorni mutlaqo qoniqtirmaydigan aktyorlik mahoratida edi. Uning so‘zlariga ko‘ra, u o‘z rolini yaxshi ijro etolmagan va butun filmning muvaffaqiyatsizligi uchun o‘zini aybdor deb hisoblaydi.
Jennifer Lourens — “Yo‘lovchilar”
Aktrisa “Yo‘lovchilar” filmidagi rolidan norozi ekanini aytadi. Bundan tashqari, o‘sha paytda uning yaqin dugonasi, qo‘shiqchi Adel Lourensni bu filmda ishtirok etishdan qaytaradi, ammo yulduz xohishiga ko‘ra harakat qilishga qaror qiladi va keyinchalik bu ishidan afsuslanadi.
Jessika Alba — “Fantastik to‘rtlik”
Jessika Alba 2000-yillarning o‘rtalarida “Fantastik to‘rtlik” filmida Ko‘rinmas ayol rolini o‘ynaganida superqahramonlar rolini ijro etgan birinchi aktrisalardan biri edi. Biroq bu tajriba muvaffaqiyatsiz tugaydi — filmdan keyin Alba bir muddat aktrisalik faoliyatini yakunlaydi.
“Men bu filmni yomon ko‘rardim. Esimda, men Silver Syorferda o‘layotganimda, rejissyor menga shunday degandi: “Sen kasalga o‘xshab ko‘rinyapsan. Yig‘laganda go‘zalroq bo‘la olasanmi? Chiroyli yig‘la, Jessika!”.
“Haqiqatan ham shunchalik ahmoqmanmi? Mening instinktlarim va his-tuyg‘ularim yetarli emasmi? O‘shanda o‘zimga o‘zim: “Hammasiga ming la’nat. Endi meni kino biznes qiziqtirmaydi”, deganman”, — deya qo‘shimcha qiladi Jessika.
Ben Afflek — “Qo‘rqmas”
Ben Afflek “Qo‘rqmas” filmini butun karyerasidagi eng omadsiz ishi deb hisoblaydi.
Aktyor tafsilotlarni oshkor qilmagan, ammo muvaffaqiyatsizlik uni superqahramonlar haqidagi filmlarda ishtirok etishga va Betmen rolini o‘ynashga undaganini aytadi.
Izoh (0)