Афсуски, жамиятда ҳар доим ҳам тенглик тарғиб қилинмаган ва аёллар узоқ вақт давомида “захирадаги” ўйинчилар бўлган. Гарчи дунё яхши томонга ўзгарган бўлса-да, бугунги кунда бу кураш бутунлай тугади деб айтиш қийин. Қуйида аёллар ҳуқуқлари учун кураш ҳақидаги энг яхши ва қизиқарли фильмларни тўпладик — улар сизни руҳлантиради, куч беради ва албатта кайфиятингизни кўтаради.
“Жинс бўйича”, 2018 йил
Рут Гинзбург — феминизм тимсоли ва АҚШ тарихидаги иккинчи аёл судья. Рутнинг ҳаёти кўпчилик учун намуна бўла олади. Унинг қатъияти, характери ва иродаси унга орзу қилган ҳамма нарсага эришишга ёрдам беради. Фильмда бош ролни Фелисити Жонс ижро этган.
“Ёмон хулқли хоним”, 2020 йил
Фильмда дунё миқёсидаги гўзаллик танловини бузиш ниятида бўлган жасур ва қатъиятли қизлар ҳақида ҳикоя қилинади. 70 йилларда содир бўлган реал воқеалар асосида суратга олинган мазкур драматик фильмда бош ролларни Кира Найтли ва “Аждаҳо уйи” юлдузи Эмма Д’Арси ижро этган.
“Можаро”, 2019 йил
2016 йилда Fox News компаниясининг учта ходими ўз хўжайинини иш жойида зўравонлик қилишда очиқ айблайди. Бутун дунё бўйлаб харассментга оммавий қаршилик кўрсатишнинг бошланишини белгилаган фильм.
“Заковат эгалари”, 2016 йил
Уч афроамерикалик аёл НАСАда ишлайди ва ташкилотга космик дастурда ёрдам бериш учун математик ҳисоб-китобларни амалга оширади. Аёлларнинг камситилиши тугамаган дунёда аёллар қандай қийинчиликларга дуч келишади?
“Мафтункор эркаклар қалби”, 2021 йил
Грэйс Гордон Америка Қўшма Штатларнинг жанубига кўчиб келади. Аёлларнинг камситилишига гувоҳ бўлган аёл омон қолиш учун курашишга мажбур бўлади. Эътиқод, севги ва қатъият кучи ҳақидаги мелодрама.
“Шимолий мамлакат”, 2005 йил
Жози — болаларини боқиш учун шахтада ишлаган кам сонли аёллардан бири. Аммо у рақобатга чидай олмаган эркаклар содир этган жинсий зўравонлик бўйича судга мурожаат қилган биринчи аёл ҳам. Шарлиз Терон ушбу роли учун “Оскар” мукофотига номзод бўлган.
Изоҳ (0)