Навоий шаҳрида жойлашган кўп қаватли хонадонларнинг бирида ёнғин содир бўлди. Бу ҳақда вилоят ҳокимлиги ахборот хизмати хабар берди.
Унга кўра, 11 март куни соат 09:25 да Навоий шаҳри “Умид” маҳалласи, Ғалаба шоҳкўчасидаги хонадонлардан бирининг 40 кв/м майдонида ички қисми ҳамда уй жиҳозлари ёнган. Ёнғиндан яшаш уйининг 20 кв/м майдони сақлаб қолинган.
Воқеа жойига ёнғин қутқарув экипажлари соат 09:31да етиб бориб, 09:34 да ўраб олинган ва 09:41да ёнғин ўчирилган. Воқеа жойига шаҳар ФВБдан 4 та ёнғин қутқарув экипажлари жалб этилган. Ёнғин ўчириш қисмидан ҳодиса содир бўлган манзилгача масофа 4 километрни ташкил этади. Ҳозирда воқеа сабаби ва зарари аниқланмоқда.
Ҳодиса оқибатида жабрланган ва ҳалок бўлганлар йўқ.
Изоҳ (0)