Бугун Марҳамат туманидаги икки қаватли уйлардан бирида ёнғин содир бўлгани ҳақида хабар берилган эди.
Андижон вилояти ҳокимлиги матбуот хизматига кўра, мазкур вазият вилоят ҳокими томонидан назоратга олинган. Таъкидланишича, ёнғинни бартараф этиш ишларидан сўнг, аҳолини қўллаб-қувватлаш ишлари ташкил этилган.
Ҳозирда уйни тезкор тартибда таъмирлаш ҳаракатлари бошланган. Аҳоли вакиллари овқатланиши ва бошқа заруриятлар юзасидан барча керакли шароитлар яратилмоқда.
“12 февралдан уйнинг том қисмини янгидан барпо этиш ишлари бошланади”, — дейилади хабарда.
Изоҳ (0)