Ижтимоий тармоқларда Сирдарё вилоятидаги метан заправкаларнинг бирида портлаш содир бўлгани ҳақида хабарлар таралди. Вилоят ФВБ матбуот хизмати буни рад этди.
Маълум қилинишича, 9 март куни соат тахминан 21:10 ларда Сирдарё вилояти Мирзаобод тумани ҳудудидаги автомобилларга газ тўлдириш шохобчасидаги компрессор қисмининг бир бўлаги шикастланган.
Ҳодиса оқибатида чақнаш ва ёнғин содир бўлмаган, инсонларнинг тан жароҳати олиши ва ҳалок бўлиш ҳолатлари кузатилмаган. Шикастланган қурилма газ тўлдириш шохобчаси ҳудудидан узоқ масофада жойлашган.
“Ҳозирда ҳодиса сабаби ва моддий зарар миқдори аниқланмоқда. Ҳеч қандай хавотирга ўрин йўқ”, — дейилади хабарда.
Изоҳ (0)