Американинг электромобил ишлаб чиқарувчи Tesla компаниясининг капиталлашуви чоршанба куни 2,3 фоизга камайиб, 553 миллиард долларни ташкил этди, шу сабабли компания АҚШнинг энг қиммат компаниялари рўйхатида 11-ўринга тушиб кетди, деб ёзади MarketWatch.
Ўнинчи ўринга Виса компанияси кўтарилиб олди. Унинг капиталлашуви 563 млрд долларга баҳоланмоқда.
Tesla акциялари сўнгги уч сессияда 13 фоизга тушиб кетди. Йил бошидан буён эса 29 фоизга арзонлашди.
Morgan Stanley таҳлилчиси Адам Жонас сешанба куни компания акциялари учун прогноз нархини ҳар бир акция учун 345 доллардан 320 долларгача пасайтирди. Шу билан бирга у “сотиб олиш” тавсиясини беришда давом этмоқда.
“Бу йил электр транспорт воситалари учун қийин йил бўлади. Нархларнинг пасайиши давом этаётганига қарамай, талаб секинлаша бошлади”, — деб ёзди у.
Жонаснинг сўзларига кўра, 2024 йилда Tesla етказиб бериш тахминан 10 фоизга ошиб, 1,8 миллион автомобилни ташкил этади, бошқа таҳлилчилар эса электромобил 2,1 миллион дона сотилиши кутилмоқда.
Изоҳ (0)