Россияликлар ва америкаликлар бир-бирига ўхшаш. Икки мамлакат асло бир-бирига душман эмас. Бу ҳақда Россия президенти матбуот котиби Дмитрий Песков 6 март куни маълум қилди. Бу ҳақда ТАСС нашри хабар берди.
Бутунжаҳон ёшлар фестивали доирасида нутқ сўзлаган Песков Россияда Америкага қарши кайфият йўқлигини билдирган. Сиёсатчига кўра, Москва фақат Россияни ҳақорат қилаётган америкалик сиёсатчиларнигина ёқтирмайди.
“Америка ҳозирда дунёдаги энг қудратли давлат. Улар бизга жуда ўхшаш. Дунё бўйлаб кўплаб одамлар Америкада яратилаётган янгиликлардан фойдаланмоқда. Бизнинг мамлакатимиз ҳам улар ичида бор ва бу жуда яхши”, — дея қўшимча қилган Песков.
Россия вакили икки давлат муносабатларидаги таранглик вақтинча эканини маълум қилган. Эртами-кечми АҚШ ва Россия халқлари бир-бирларига душман эмасликларини англаб етишларига ишонч билдирган.
Изоҳ (0)