НАТОга аъзо давлатлар Швецияга қарашли Готланд оролини ўзлари учун қулай транспорт хабига айлантириши мумкин. Бунинг натижасида эса Эстония, Латвия ва Литванинг мудофаа соҳасини кучайтириш осонлаштиради. Бу ҳақда Ғарб манбалари тарқатган хабарларга асосланиб, “ТАСС” нашри хабар берди.
Хабарда айтилишича, Швеция ҳукумати Готланд оролини транзит сифатида фойдаланиш учун НАТО ихтиёрига беришга қарши эмас. Ҳудудда альянс мудофааси кучайишидан Стокгольм ҳам манфаатдор.
Воқеага муносабат билдирган Латвия ташқи ишлар вазири Крисянис Каринснинг айтишича, Болтиқ денгизи тез орада НАТОнинг ичида жойлашган кўлга айланади. Иттифоқ мудофаа салоҳияти ортади. Келгусида ҳудуддаги НАТО хавфсизлигига таҳдид соладиган ягона сектор Россиянинг Калининград вилояти ва Беларусни бирлаштирувчи Сувалки коридори бўлиб қолиши мумкин.
Маълумот ўрнида, Венгрия парламенти 26 февраль куни Швециянинг НАТОга аъзолигини ратификация қилган эди. Швеция давлатининг байроғи 11 март куни НАТОнинг Брюсселдаги қароргоҳида кўтарилиши эълон қилинган.
Изоҳ (0)