Мухолифатчи ва “Озод Россия” форуми асосчиси, шахматчи Гарри Каспаров Россиядаги “террорчилар ва экстремистлар” рўйхатига киритилган. Бу ҳақда Росфинмониторингга таяниб, Deutsche Welle хабар берди.
Рўйхатга киритилганидан сўнг, банклар шахматчининг ҳисобларига хизмат кўрсатишни тўхтатиши ва барча маблағларни музлатишлари лозим. Рейестр маълумотларига кўра, Каспаровга нисбатан террорчилик моддаси бўйича жиноий иш қўзғатилган.
2023 йил охирида Россия Ички ишлар вазирлиги Каспаров ва унинг шериги Иван Тютриннинг Украина армиясида жанг қилаётган россиялик кўнгиллиларни қўллаб-қувватлаш бўйича кимошди савдоси билан боғлиқ ҳаракатларида “жиноят белгилари”ни топган. Кимошди савдоси Каспаров ва Тютрин 2016 йилда Россиядаги мавжуд сиёсий режимга интеллектуал муқобил яратиш мақсадида асос солган “Озод Россия форуми” томонидан ташкил этилган. 2023 йил февраль ойида Россия Адлия вазирлиги форумни номақбул ташкилотлар рўйхатига қўшган.
Сиёсатчи ва жамоат арбоби Иван Тютрин ҳам 2024 йил февраль ойи охирида Росфинмониторинг “террорчилар ва экстремистлар” рўйхатига киритилган эди.
Изоҳ (0)