Эроннинг Shahed-136 дрони асосида Хитой унинг такомиллаштирилган нусхаси — Sunflower 200 камикадзе дронини тақдим этди. Бу ҳақда Defense Express хабар берди.
Янги дрон Россиянинг Армия-2023 форумида намойиш қилинган. Хитойнинг номи ошкор этилмаган компанияларидан бири тақдим этган Sunflower 200 сурат ва тавсифлари тармоқларда пайдо бўлган.
Дрон ташқи кўриниши ва умумий хусусиятларига кўра Эроннинг Shahed-136 нусхаси ҳисобланади.
Корпус узунлиги 3,2 метр, қанотлар кенглиги эса 2,5 метрни, зарба берувчи каллак массаси 40 килограммни ташкил қилади. Парвоз масофаси 1500 дан 2000 километргача, тезлиги эса 160-220 км/соат.
Ушбу хусусиятлар Эроннинг Shahed-136 ёки Россиянинг Геран-2 дрони билан ўхшаш ва ҳатто бир хил.
Хитой дронининг бошланғич вазни бор-йўғи 175 килограмм, Эронники эса 240 килограммдан иборат. Sunflower 200 нинг бортдаги ёнилғи сиғими 10 килограмм ёки 160 литр экани айтилмоқда.
Ушбу дронларни ишлаб чиқариш суръати, шунингдек, улар экспорт қилинадими ёки Россия уларни олиши мумкинми — ҳозирча номаълум.
Изоҳ (0)