Германиянинг Ахен шаҳридаги Луизен касалхонасида 65 ёшли номаълум аёл бир неча кишини гаровга олди. Бу ҳақда Aachener Zeitung нашри хабар берди.
![](/static/2024/03/05/photo_2024-03-05_08-58-21-o__0OktV.jpg)
Луизен касалхонаси ҳудудида полициянинг йирик операцияси ўтказилмоқда, йўллар тўсиб қўйилган, темирйўл ҳаракати чекланган. Аёлнинг талаблари ҳақида хабар берилмаган.
Ҳозирги маълумотларга кўра, шубҳали шахс аёл ҳисобланади. У ўқотар қурол билан касалхонада одамларга таҳдид қилган ва хонада яширинган бўлиши мумкин. Полиция буни тасдиқлагани йўқ. Жароҳатланганлар ҳақида расмий маълумот берилмаган, — дейилади хабарда.
Луизен касалхонаси 378 ўринли ва 122 та ихтисослаштирилган бўлимлар мавжуд. Муассасада 1,5 мингга яқин ходим ишлайди.