АҚШ президентлигига номзод Никки Ҳейли 3 март, якшанба куни Вашингтонда бўлиб ўтган Республикачилар партиясининг сайловларида ғалаба қозонди. Жанубий Каролинанинг собиқ губернатори ва АҚШнинг БМТдаги собиқ доимий вакили 62,9 фоиз, унинг рақиби АҚШнинг собиқ президенти Дональд Трамп эса 33,2 фоиз овоз йиғди. Бу ҳақда Reuters хабар берди.
Ҳейлининг сайловолди ташвиқоти вакили Оливия Перес-Кубас натижаларни ҳайратланарли эмаслигини, пойтахтдаги республикачилар Дональд Трампни ва унинг барча тартибсизликларини рад этишини айтган. Шу билан бирга, Ҳейли АҚШ тарихидаги республикачилар праймеризларида ғалаба қозонган биринчи аёл бўлганлигини таъкидлади Перес-Кубас.
Вашингтондаги мағлубиятидан бир кун олдин Трамп бирданига АҚШнинг учта штатида - Миссури, Мичиган ва Айдаходаги сайловларда ғалаба қозонган эди.
АҚШ сайлов кампаниясидаги навбатдаги “Супер сешанба” тадбири 5 март куни бир вақтнинг ўзида АҚШнинг 15 штати ва битта орол ҳудудида бўлиб ўтади. “Супер сешанба” натижалари Ҳейли ва Трамп ўртасидаги қарама-қаршиликда ҳал қилувчи бўлиши мумкин – агар собиқ президент ушбу тадбирларда ягона рақибини мағлуб этса, 20 мартгача у республикачилар овози учун курашда тўлиқ ғалаба қозонганини эълон қилиши мумкин бўлади.
Трампнинг 2021 йил бошида Капитолийга бостириб кириши билан боғлиқ айбловлар сабабли АҚШнинг Колорадо, Мэн ва Иллинойс штатларида уни праймеризлардан четлаштириш масаласи очиқлигича қолмоқда. Мэн ва Иллинойс штатларида праймеризлар “Супер сешанба”да, Иллинойсда эса 19 март куни бўлиб ўтиши режалаштирилган.
Изоҳ (0)