Асосий фаолиятидан ташқари ҳар бир инсоннинг бошқа соҳага қизиқишлари, турли хобби ва севимли машғулоти бўлади. Бугун Болливуд актёр ва актрисаларининг бўш вақтини қандай ўтказиши ҳақида маълумот берамиз.
- Салмон Хон — рассомчилик
Жангари фильмлар қаҳрамони реал ҳаётда расм чизишни яхши кўради, деган фикр ҳеч кимнинг хаёлига келмаса керак! Дарҳақиқат, Салмон Хон бир неча бор ўз расмлари кўргазмасини ташкил қилган. Унинг асарлари катта пулга сотилган ва йиғилган маблағ саратон ва психиатрик касалликларга чалинган болалар учун хайрия қилинган.
- Амитабҳ Баччан — шеърият
Ҳинд киносининг тирик афсонаси Амитабҳ Баччан ўз отаси каби шеъриятга қизиқади. Унинг отаси Хариваншрай Баччан ёзувчи ва шоир бўлган.
- Кангана Ранаут — пазандалик
“Умидингни йўқотма”, “Варраклар”, “Симран” фильмларида машҳурликка эришган, Ҳиндистон мода оламининг юлдузи Кангана Ранаут оиласи ва яқинлари учун турли таомлар пиширишни жуда яхши кўради.
- Шаҳид Капур – DJ’лик санъати
Шаҳид Капур табиатан жисмонан ўта фаол актёр бўлишига қарамай у зиёфатларда DJ’лик қилишга ва соатлаб рақс тушишга доим вақт топади.
- Акшай Кумар — жанг санъати
Акшай Кумарни ҳиндистонлик Жеки Чан деб ҳам аташади. Актёр бўш вақтида “тай-чи” билан шуғулланади.
- Ритик Рошан — тасвирчилик
Болливуд юлдузининг турли соҳада қизиқишлари кўп бўлса-да, айнан фотоаппаратда расмга туширишдек завқни ҳеч қайси машғулот бера олмас экан.
- Алия Бҳатт — кўмир билан эскизлар чизиш
Алия актрисалик, қўшиқ куйлаш ва рақс санъатидан ташқари кўмир ёрдамида турли чизмалар чизишга қизиқади.
- Диа Мирза — керамика
Яна бир Болливуднинг ёрқин актрисаси ажойиб санъат тури — керамика билан шуғулланади.
- Амир Хон — барабан чалиш
Амир Хон урма ва зарбли чолғу асбобларидан барабан билан куй чалишни ёқтиради.
- Приянка Чопра — қўшиқчилик
Мафтункор актриса Приянка Чопра вокал ва қўшиқчилик бўйича яхши таълим олган ва актрисалик билан бирга эстрада йўналишида ҳам ўзини ёрқин намоён этмоқда. Приянка турли қўшиқларига клиплар олиб, ҳатто концерт ҳам берган.
Изоҳ (0)