АҚШ вице-президенти Камала Харрис 3 март куни Ғазога кўпроқ инсонпарварлик ёрдами етказилиши кераклигини айтиб, минтақадаги фуқаролар ғайриинсоний шароитларда кун кечираётганини маълум қилди. Ўз нутқида АҚШ расмийси Исроилни ўт очишни тўхтатишга чақирган. Бу ҳақда CNN хабар берди.
Камала Харриснинг бу сўзлари АҚШнинг Ғазодаги вазиятни ҳал қилишга уринишларини кучайтиришга туртки берган. Ҳукумат тинчликка эришишнинг бир қанча муқобил вариантлари устида иш олиб бораётгани маълум қилинган.
“Исроил ҳукумати Ғазога кираётган ёрдам оқимини сезиларли оширишга имкон бериши керак. Бу борада ҳеч қандай баҳона ўтмайди”, — деган вице-пресидент Харрис.
Камала Харрис, шунингдек, президент Жо Байденнинг олти ҳафталик ўт очишни тўхтатиш ҳақидаги чақириқларини такрорлаб ўтган. Бу таклиф ҲАМАС томонидан гаровга олинганларни озод қилиш ва Ғазога гуманитар ёрдамни кўпайтиришни назарда тутади.
Изоҳ (0)