Жанубий Кореяда 11 кунлик ҳарбий манёврлар бошланди. АҚШ билан қўшма “Озодлик қалқони” машғулотларининг асосий элементи Шимолий Кореядан юзага келиши мумкин бўлган ядровий таҳдидга қарши туришни машқ қилишдан иборат. Бу ҳақда Deutsche Welle хабар берди.
Сеул мудофаа вазирлигига кўра, Жанубий Корея ва Қўшма Штатлар ўртасида “Озодлик қалқони” деб номланган йиллик қўшма ҳарбий машғулотлар режалаштирилганидек, 4 март куни бошланган.
11 кунлик манёврлар компьютер симуляцияси бўйича ҳарбий тайёргарлик, шунингдек, дала машғулотларини ўз ичига олади. Бу йилги машғулотларнинг асосий элементи, Жанубий Кореяга кўра, КХДР томонидан юзага келиши мумкин бўлган ядровий таҳдидга қарши машқ қилишдан иборат.
Сеул ва Вашингтон армиясига кўра, “Озодлик қалқони” машғулотлари кибер ва ахборот маконида, шунингдек, коинотда машқ қилиш учун кенг кўламли дастурдир.
“Озодлик қалқони-2024” машғулотлари Пхеньяннинг 2023 йил ноябрда чегарадаги кескинликни камайтиришга қаратилган Кореялараро ҳарбий келишувни бекор қилганидан бери биринчиси.
Изоҳ (0)