Еврокомиссия БМТнинг фаластинлик қочқинлар бўйича агентлигини молиялаштиришда давом этади. Бу ҳақда Euronews хабар берди.
Брюссель ЕИнинг Фаластин халқига берадиган ёрдам ҳажмини ошириши ҳақида маълум қилган. Ёрдамнинг катта қисми БМТнинг Яқин Шарқ бўйича агентлиги (UNRWA) орқали келади. UNRWA’га кўра, 7 октябрь куни Исроилга қилинган ҳужумга агентлик ходимларининг алоқадорлиги сабабли январь ойидан бери гуманитар юклар ярмига қисқарган. Германия ва Италия Ғазога ёрдамни тўхтатган, Испания ва Бельгия эса ёрдам беришда давом этган.
Бугун Еврокомиссия UNRWA’га 50 миллион евро ҳамда бутун минтақадаги Фаластин аҳолисини Қизил хоч ва Қизил ярим ой каби халқаро ҳамкорлар орқали қўллаб-қувватлаш учун қўшимча 68 миллион евро беришга қарор қилди, — дейди Еврокомиссия матбуот котиби Эрик Мамер жума куни.
Берилган ёрдамнинг умумий миқдори 150 миллионга етди. Биринчи тўловлар кейинги ҳафтага режалаштирилган. Бу хабар пайшанба куни Ғазо секторида гуманитар ёрдам тарқатиш чоғида кўп сонли одамлар ҳалок бўлганидан бир оз ўтмай эълон қилинган. ҲАМАС Соғлиқни сақлаш вазирлиги қирғинда 104 киши ҳалок бўлгани ва 750 дан ортиқ киши жароҳатланганини маълум қилган.
ЕИ Кенгаши президенти Чарльз Мишел Х ижтимоий тармоғида Ғазода гуманитар ёрдам кутаётган бегуноҳ тинч аҳолининг ўлдирилишидан даҳшатга тушганини ёзган.
Ғазодан олинган кадрлар жуда хавотирли. Нима бўлганини текшириш ва шаффофликни таъминлаш учун барча саъй-ҳаракатларни амалга ошириш лозим, — дейди Еврокомиссия президенти Урсула фон дер Ляйен
Изоҳ (0)