АҚШ президенти G7 давлатлари июнь ойида Италияда бўлиб ўтадиган саммитда Россиянинг музлатилган активларидан фойдаланиш бўйича қарор қабул қилишига умид билдирмоқда. Бу ҳақда Bloomberg хабар берди.
Нашрга кўра, Оқ уй раҳбари Россиянинг музлатилган 280 миллиард доллар активларидан Украина бюджетини молиялаштириш ва тиклаш учун фойдаланишга ишонади. Байден мазкур маблағлардан фойдаланишни Украинага қўшимча ёрдам беришдан бош тортиш деб ҳисобламайди.
АҚШдан ташқари Буюк Британия ва Канада вакиллари музлатилган маблағларни мусодара қилиш керак, деб ҳисоблайди. Бироқ Франция ва Германия бунга қарши. Улар Россиянинг жавоб чоралари ва Европа иқтисодиётининг молиявий барқарорлигига салбий таъсир кўрсатишидан қўрқади, дейди нашр. Бу масала июнь ойидаги саммитда ҳал қилинади.
2023 йил декабрь ойи охирида Россия президенти матбуот котиби Дмитрий Песков Россиянинг музлатилган активларини мусодара қилиш “жиддий оқибатларга олиб келиши” билан таҳдид қилган. Песковга кўра, Россия бу ҳолатда Ғарбнинг мамлакатда сақланаётган мавжуд маблағларини мусодара қилиш орқали жавоб қайтаради.
Изоҳ (0)