Ғазодаги жиноятлар дунё озод халқлари хотирасидан ўчмайди. Оммавий қирғин ва геноцидни қўллаб-қувватлаганлар, жиноятларни кўриб туриб кўз юмганлар унутилмайди. Эрон Ташқи ишлар вазирлиги матбуот котиби Носир Каноний бу ҳақда маълум қилди, дея хабар бермоқда IRNA нашри.
“Ғазо шаҳридаги ар-Рашид кўчасида гуманитар ёрдам олиш учун навбатда турган 100 дан ортиқ Фаластин фуқароси сионистик режимнинг ваҳшиёна ҳужуми туфайли шаҳид бўлди, 800 дан ортиқ киши жароҳатланди”, — деб дея Ғазодаги сўнгги ҳужумга баҳо берган Эрон вакили.
Матбуот котибига кўра, ҳарбий жиноятларни кўриб туриб, сукут сақлаш энг шармандали ҳолатдир. Сукут сақлаганлар ва ҳодисага кўз юмганлар кечирилмаслиги керак.
“Ғазодаги йўқотишлар дунёнинг озод халқлари хотирасидан ўчмайди. Америка ва Европадаги сохта инсон ҳуқуқлари даъвогарларининг пешонасидан оммавий қотиллик ва геноцидни қўллаб-қувватлаш тамғаси ўчмайди”, — деб фикрини якунлаган Эрон расмийси.
Изоҳ (0)