Ўзбекистонда бир ойда 4 трлн сўмдан ортиқ солиқ имтиёзларидан фойдаланилди 

Ўзбекистонда январь ойида қарийб 4 триллион сўмдан ортиқ солиқ имтиёзларидан фойдаланилгани маълум қилинди. 

Хабар берилишича, 2024 йилнинг январь ойида 87 673 та ташкилот умумий қиймати 4 триллион сўмга яқин миқдордаги солиқ имтиёзларидан фойдаланган. Шу билан бирга:

• 1 512  та корхона молиявий хизматлар бўйича 1,5 триллион сўмлик ҚҚСсиз операциялар амалга оширган;
• 2 787 та корхона 2,3 триллион сўм миқдорида ҚҚС нол ставкасини қўллаган. 

Солиқ турлари кесимида фойдаланилган солиқ имтиёз суммалари:

• ҚҚС — 1,3 триллион сўм;
• ер солиғи — 1,6 триллион сўм;
• мол-мулк солиғи — 750,9 миллиард сўм;
• ижтимоий солиқ — 173,1 миллиард сўм;
• ЖШОДС — 64,3 миллиард сўм;
• сув ресурсларидан фойдаланганлик учун солиқ — 19,8 миллиард сўм. 
• АОС — 8,4 миллиард сўм.

Қайд этилишича, халқаро экспертлар хулосасига асосан, ҚҚС бўйича молиявий хизматлар ва нол ставка ҳисоби алоҳида юритилади.