O‘zbekistonda bir oyda 4 trln so‘mdan ortiq soliq imtiyozlaridan foydalanildi

O‘zbekistonda yanvar oyida qariyb 4 trillion so‘mdan ortiq soliq imtiyozlaridan foydalanilgani ma’lum qilindi. 

Xabar berilishicha, 2024-yilning yanvar oyida 87 673 ta tashkilot umumiy qiymati 4 trillion so‘mga yaqin miqdordagi soliq imtiyozlaridan foydalangan. Shu bilan birga:

• 1 512  ta korxona moliyaviy xizmatlar bo‘yicha 1,5 trillion so‘mlik QQSsiz operatsiyalar amalga oshirgan;
• 2 787 ta korxona 2,3 trillion so‘m miqdorida QQS nol stavkasini qo‘llagan. 

Soliq turlari kesimida foydalanilgan soliq imtiyoz summalari:

• QQS — 1,3 trillion so‘m;
• yer solig‘i — 1,6 trillion so‘m;
• mol-mulk solig‘i — 750,9 milliard so‘m;
• ijtimoiy soliq — 173,1 milliard so‘m;
• JSHODS — 64,3 milliard so‘m;
• suv resurslaridan foydalanganlik uchun soliq — 19,8 milliard so‘m. 
• AOS — 8,4 milliard so‘m.

Qayd etilishicha, xalqaro ekspertlar xulosasiga asosan, QQS bo‘yicha moliyaviy xizmatlar va nol stavka hisobi alohida yuritiladi.