Кеча 28 февраль куни Англия Кубоги учрашувлари бўлиб ўтди. Учрашувларда кутилмаган натижалар бўлмади.
“Ливерпуль” жамоаси ўзининг 18 ёшли футболчилари билан “Саутгемптон” жамоаси билан куч синашди. Айнан шу ўсмирлар ўйин тақдирини ҳал қилди. Учрашувнинг 44-дақиқасида Кумас ҳисобни очди ва 77 ва 88-дақиқаларида дарвозани ишғол қилган Деннс ўз номига дубль ёздириб қўйди.
“Челси” ўз уйида “Лидс” жамоасини сўнгги дақиқалардаги гол эвазига мағлуб этди. Аввалига меҳмонлар вакили Фернандес 8-дақиқада ўз номини таблога ёздириб қўйди. Жексон ва Мудрикнинг голлари эвазига олдинга чиқиб олган мезбонлар 59-дақиқада яна ўз дарвозасидан тўп олиб чиқишга мажбур бўлди. Гол муаллифи — Фернандес.
Ўйиннинг 90-дақиқасида Галлахернинг голи Лондон жамоасини чорак финалга олиб чиқишга хизмат қилди.
Қолган натижалар:
- “Вулверхемптон” – “Брайтон” 1:0
- “Ноттингем Форест” – “Манчестер Юнайтед” 0:1
- “Ковентри” – “Мейдстон Юнайтед” 5:0
- “Борнмут” – “Лестер” 0:1
- “Блекберн” – “Ньюкасл” 1:1
- “Лутон” – “Манчестер Сити” 2:6
Шу билан бир қаторда кеча чорак финал баҳслари учун қуръа ташланди. Унга кўра қуйидаги жуфтликлар ярим финал учун курашади:
- “Вулверҳэмптон” – “Ковентри”
- “Манчестер Юнайтед” – “Ливерпуль”
- “Челси” – “Лестер”
- “Манчестер Сит” – “Ньюкасл”
Беллашувлар 16—17 март кунлари бўлиб ўтади.
Изоҳ (0)