Алия Бҳатт барча даврларнинг энг буюк актрисалари Нутан ва Кажол каби “Энг яхши актриса” номинациясида Filmfare мукофотини қўлга киритди.
У Мадҳури Дикшит ва Мина Кумарини ортда қолдириб, Болливуд тарихидаги энг яхши актриса номинтасиясида 5 та Filmfare мукофотини қўлга киритган учинчи актрисага айланди. Яқинда ўтказилган маросимда Бҳатт “Рокки ва Рани. Севги ҳикояси” фильмидаги роли учун бош совринни қўлга киритди.
Ушбу ғалабадан олдин Нутан ва унинг жияни Кажол ўз карьерасида 5 марта Filmfare олган актрисалар ҳисобланарди. Бироқ Алия бу натижага эришган энг ёш ва энг тезкор актрисага айланди — 7 йил ичида 5 та мукофот. Бҳатт бешинчи мукофотини 30 ёшида олди.
Таққослаш учун, Кажол 36 ёшда, Нутан эса 43 ёшда бундай эътирофга сазовор бўлган. Алиянинг “Энг яхши аёл роли” учун биринчи соврини 2016 йилда “Учаётган Панжоб”, ундан кейин эса “Фитна”, “Гетто йигит”, “Гангубай Катҳиавади” ҳамда “Рокки ва Рани” фильмлари учун берилади.
Алия иқтидорли актриса сифатида келгуси йилларда яна бир нечта Filmfare мукофотларини қўлга киритиб, барчани ортда қолдириши ҳам мумкин.
Изоҳ (0)