Янги йил — қариндошлар билан бир дастурхон атрофида йиғилишнинг айни вақти. Аммо байрамдан кейин-чи? Маслаҳатимиз оила даврасида ушбу рўйхатдаги фильмларни томоша қилинг. Бўш вақтни мароқли ўтказиш кафолатланади.
“Вонка”
Оила даврасида томоша қилиш учун ажойиб вариант. Ота-оналар бир вақтлар олтин чипта топишга ҳаракат қилганликларини эслайди, оиланинг энг ёш аъзолари эса дунёдаги энг яхши қандолатчи билан танишади.
“Аквамен ва йўқолган салтанат”
Экшн фильм томоша қилмоқчимисиз? Бу борада Атлантида қироли ёрдам беради. Айтганча, бу қисмда оталар ва болалар ўртасидаги муносабатларга эътибор қаратилган. Фильмдан сўнг бир пиёла чой устида кўп нарсаларни муҳокама қилиб олиш мумкин.
“Сеҳрли хизматлар бюроси”
Дам олиш кунларида сеҳрли воқеаларга асосланган фильм томоша қилиш — бундан ёқимли нима бўлиши мумкин? Фильм қаҳрамонлари сеҳрли дунё манфаати учун ишлайди, лекин уларнинг ҳаёти хавф-хатарлардан холи эмас.
“Сув париси”
Умуман олганда, классик Disney эртаклари оила давраси учун идеал вариант бўла олади. Бошқа томондан, ҳозир жуда кўп классик фильмларнинг қайта суратга олинган версиялари ва янги ремейклари мавжуд — уларни ҳам эътиборсиз қолдириб бўлмайди.
“Питер Пен ва Венди”
Эски эртакнинг яна бир янги кўриниши. Бу сюжет ҳаммага таниш бўлиши мумкин, лекин йиллар ўтиб яна Питер Пен жамоасининг бир қисми бўлиш ёқимли эмасми? Парининг сеҳрли чанги ёрдамида учишга тайёрланинг. Катталарни ҳам унутманг.
“Астерикс ва Обеликс: Самовий империя”
Сиз бу жуфтликни аллақачон унутгандирсиз. Аммо улар ҳеч қаерга ғойиб бўлмаган — улар Хитойга боришлари учун узоқ вақт керак бўлди. Бу вақт ичида Астерикс ташқи кўринишини ўзгартиришнинг уддасидан чиқди. Обеликс эса аввалгидек. Экран қаршисига ўрнашиб, янги саргузаштга тайёрланинг.
“Пижама базми”
Ушбу фильм ажойиб тунги базмлар қандай якунланиши кераклигини кўрсатади. Пижама кечасидан сўнг бир гуруҳ дўстлар Анна Марияни топа олмайди. Ажабланарлиси шундаки, кечаси нима бўлганини ҳеч ким эслолмайди. Бироқ базмда меҳмон сифатида гипнозчи ҳам иштирок этганини ёддан чиқармаслик керак.
“Пўлат чангал”
Тез орада Europe Plus кўмагида яна бир ажойиб фильм тақдим этилади. У икки авлоддан бери умри кураш тушиш билан ўтаётган оила ҳақида ҳикоя қилади. Аммо улар нафақат рингдаги жангларда қатнашади, балки… Қолганини фильмни томоша қилиб, билиб оласиз.
Изоҳ (0)